EH Bilduk herritarrekin biltzeko harrera orduak jarri ditu lau barrutietan
Pasaitarrekin elkarlana estutze aldera, bi astez behin barruti bakoitzean era egonkorrean egotea erabaki dute koalizio abertzaleko kideak.
Bi astez behin herritarrekin biltzeko prestutasuna agertu du Pasaiako EH Bilduk. Pasaiako EH Bilduk herritarrekin biltzeko ateak zabalik izango ditu, Antxon, Donibanen, San Pedron eta Trintxerpen. Azken udal hauteskundeetako alderdi bozkatuena izan ziren heinean, pasaitarrekin elkarlana estutzeko ardura dutela iritzi dute koalizioko kideak.
Hori dela eta, egunero udaletxean egoteaz gain, bi astez behin barruti bakoitzean izango dira 19:00etatik 20:00etara, herritarren eta eragileen arazo eta premiak gertutik ezagutzeko. Abendura arteko egutegia zehaztu du EH Bilduk, baina urtarriletik aurrera harrera orduei jarraipena emateko asmoa dutela jakinarazi dute.
Ordutegi eta lekuak.
- San Pedro: Azaroaren 13an eta 27an eta abenduaren 11n Alkateordetzan 19:00etatik 20:00etara.
- Donibane: Azaroaren 13an eta 27an eta abenduaren 11n Juan Berasategi Kulturguneko komunikazio gelan 19:00etatik 20:00etara.
- Trintxerpe: Azaroaren 14ean eta 28an eta abenduaren 12an Alkateordetzako bilera gelan, 19:00etatik 20:00etara.
- Antxo: Azaroaren 19an eta abenduaren 3an eta 17an Azokako 8. gelan 19:00etatik 20:00etara.
