Zanna Słoniowska izango da kafe tertuliako gonbidatua ostegunean
Hilabete honetan Zanna Słoniowska idazle poloniar-ukrainiarrarekin solas egiteko aukera izango dute bertaratzen direnak.
Zanna Słoniowska idazle poloniar-ukrainiarrarekin solas egiteko aukera izango da ostegunean. Donibaneko Ubera Liburutegiak hartuko du azaroko kafe tertulia 19:00etatik aurrera. Ohi bezala, Hugoenea etxean egonaldia egiten ari den idazlearekin topaketa antolatu dute Pasaiako liburutegiek eta Euskal Idazleen Elkarteak .
Ostegun honetan Zanna Słoniowska idazlearekin hitz egiteko aukera izango da, kafe artea eta epelean. Beiratedun leihoen etxea eleberri sarituaren egilea da Słoniowska, besteak beste. Hugoenea idazleen etxean egonaldia egiten ari da idazlea. Etxe hori hizkuntza gutxituetan lanean ziharduten idazleen zerbitzura jarri zuen Pasaiako Udalak, betiere, literatur sorkuntza sustatzea helburu izanda.
Słoniowskaren jatorria, bere obra ulertzeko gakoa da. Lviv ukrainiar mendebaldeko hirian jaio zen idazlea, poloniar jatorriko famili batean. Haientzat, Lwow izena darama hiriak, alemanieraz ordea, Lemberg zeritzoten eta hainbat hizkuntzetan Leopolis latinezko deitura erabiltzen dute.
Nazionalitate, hizkuntza eta kultur nahastuko lurraldea Lviv eta haren inguruko eskualdea. Ukrainiarrak, poloniarrak juduak eta erruteniarrak bizi izan ziren bertan. Gehienetan bizikidetza izan zen nagusi, gutxi batzuetan ordean gatazkek eskualdea odolustu zuen.
Hainbat mendez, Austriak okupatu zuen. I. mundu gerraren ondoren, Poloniaren menpe izan zen. II mundu gerraren ondoren Sobietar Batasunak bereganatu zuen eta 1992az geroztik Ukrainiaren parte da. Aniztasun guzti horrek, Słoniowskaren obran ukitua utzi du, nahi dutenek lehen eskutik ezagutu ahalko dute ostegunean, 19:00etatik aurrera.
