Odola emango dute Antxon hilaren 20an
Odol emateak Pasai Antxoko Osasun Zentroan izango dira, 6:30etatik aurrera.
Hilaren 20an —asteazkena— nahi duenak odola emateko aukera izango du, Pasai Antxoko Odol Emaileen Elkarteak jakinarazi duenez. Pasai Antxoko Osasun Zentroan izango dira odol emateak 6:30etatik aurrera. Ohi bezala elkartasun ekintza honetan parte hartzeko deia luzatu diete herritarrei, bereziki 18 urtetik gorako gazteei.
Urriaren 16an egindako saioan 2 odol berri emaile izan ziren eta guztira, 34 poltsa bildu zituzten.