Familientzako arkeologia tailerrak antolatu ditu Albaolak iganderako
Igandean 11:00etatik aurrera familientzako arkeologia tailerra egingo dituzte Albaolan. 6-12 urte bitarteko haurrei zuzenduta dago ekintza eta heldu baten laguntza jaso beharko dute.
Albaolakoek ‘izan arkeologo’ leloa aukeratu dute igandean burutuko den ekintza politarentzat.
Izan arkeologo leloa aukeratu dute igandean burutuko den ekintza politarentzat. Arkeologiarekiko interesa sustatzearren familia osorako tailerra antolatu du Albaola Itsas Kultur Faktoriak. San Juan baleontzia izango da ikerketaren hizpide. Non, noiz, nork eta nola aurkitu zuten jakingo dute parte hartzaileek.
6 eta 12 urte bitarteko gazteei eta haiekin egongo diren helduei zuzendutako ekintza izango da. 11:00etan emango diote hasiera tailerrari Albaolan bertan, eta sarrerak hiru euroan salduko dira. Plaza mugatuko ekintza izango denez, beharrezkoa da aldez aurretik izena ematea honako helbide elektronikora idatziz, edota 943392426 telefonora deituz.
