Neguko futbito txapelketan parte hartzeko epea, zabalik
Oihartzun Guk-ek hirugarren aldiz antolatu du Neguko Futbito Txapelketa. Azaroaren 30era arte eman daiteke izena, eta biharamunean egingo dute zozketa.
Green Team izan zen iazko garailea. Abenduaren 6a, ofizialki behintzat, jai eguna da, eta Oihartzun Guk-ek kirola egiten aprobetxatu nahi du egun hori. Izena emateko epea irekita dago, hilaren 30era arte.
Bikoteka apuntatu beharko da, Kastro, Makubi eta Sorgin tabernetan. Bikote bakoitzak bost euro ordaindu beharko ditu, eta abenduaren 1ean egingo dituzte zozketak.
Champions Leaguekoak hala, Kataxulo Gaztetxian argituko dute bikote bakoitzari zein taldetan jokatzea ebatziko duen zozketa. Horrez gain, zoriak zehaztuko du epaile lanetan nor arituko den.
Euskal Herriko meteorologia zientzia ez-zehatza denez, estalpean jokatuko dute Neguko Futbito Txapelketa. Elorsoro kiroldegiko kantxan neurtuko dituzte indarrak. Ohorea jokoan egoteaz gain, irabazleek sariak lortuko dituzte. Honakoa da zerrenda:
- 1. saria: Afaria, Kabitxo tabernan.
- 2. saria: Afaria, Iru-Bide tabernan.
- 3. saria: Sagardo kaxa bat.
