Giza eskubideen defendatzaileen babesleku da Errenteria
Herri Babesarea iniziatibarekin bat egin du Errenteriako Udalak eta horren harira adierazpen instituzionala egin du.
Atzo egin zieten harrera ofiziala hiru giza eskubideen defendatzaileei Errenteriako Udalean. Herri Babesarea iniziatibarekin bat egin du Errenteriako Udalak eta horren harira adierazpen instituzionala egin du. Nazioarteko Bake Brigadak (PBI) eta Mundubat Fundazioak sustatu dute iniziatiba hori, eta helburua, Giza Eskubideen defendatzaileak Babesteko Udal sarea sortzea da. Araba, Bizkai eta Gipuzkoako zazpi udalerrik egin dute bat momentuz iniziatibarekin, tartean Errenteriako Udalak eta Irungo Udalak. Atzo egin zieten harrera ofiziala Errenteriako Udaleko pleno aretoan Guatemalako Rosalia Tiul, Quib de Caal Nekazarien Batasuneko Batzordeko kidea; Kolonbiako Leyla Arroyo Buenaventurako geldialdi zibikoaren batzordeko kidea, eta Brahim Dahane Giza Eskubideen Urraketarako Biktimen Saharako elkarteko ekintzaileari. Hirurak giza eskubideen defendatzaileak dira, eta atzo lehen eskutik kontatu zieten udal talde guztien ordezkariei bizi duten errealitatea.
Gaur udalak onartu duen adierazpen instituzionalean hainbat konpromiso hartu ditu: Foro ibiltariaren ekintzak garatu ahal izateko espazioak ahalbidetzea; defendatzaileekin bilera bat egitea; udalerriko talde sozialen partaidetza sustatzea; udalaren sare propioen bidez ekintzak hedatzen laguntzea.
Hemen hitzez hitz adierazpena.
