Bihar hasiko da San Pedroko III. Maketa Erakusketa
Maketen zaleek astebete izango dute Juan Palmer maketagile tailerrean egindakoak ikusteko. Erakusketa San Pedroko Kultur Aretoan izango da hilaren 23tik 30era.
2017ko erakusketaren artxibo irudia. Duela bi urte hasitako bideari eutsi diote Pasai San Pedroko Jubilatuen Etxeak eta Juan Palmer maketagileen tailerrak. Bihar hasiko da San Pedro III. Maketa Erakusketa, maketagileek egindako lanei erakusleiho bat emateko. San Pedroko Udal Aretoan, eta astebetez izango da ikusgai, 11:00etatik 13:00etara eta 17:00etatik 21:00etara.
Aurten berritasunekin datoz, lehen aldiz baserrien maketak egin baitituzte erretirodunek. Ontziekin alderatuz, beste ezaugarri batzuk dituzte baserriek eta noski, lan egiteko beste modu bat eskatzen dute. Aniztasuna eman nahi izan diote antolatzaileek erakusketari eta ziur dira bisitariek gustuko izango dutela.
Eta nola ez, itsasontzien maketak ez dira faltako, hauek baitira zaleek maite dituzten maketak. Itsasertzeko belaontziak, bapore ontziak eta dieseez bultzaturiko itsasontzi sorta eraman dute Kultur Aretora. Antolatzaileek gogorarazi duten, erretirodunen lanaren eta eskuzabaltasunaren ondorio dela erakusketa, eta bertaratzeko deia luzatu diete herritarrei, haien zaletasunari balioa emateko ezin delako ahaztu, maketa bakar bat egiteko ehunka ordu eman daitezkeela lanean.
