Gerardo Rifon eta Ane Artetxek kontzertua eskainiko dute gaur San Pedron
Organoa eta arpa uztartuko dituzte gaur 20:00etatik aurrera Rifonek eta Artetxek, San Pedroko Elizan.
Gaur iluntzean emango diote amaiera San Pedroko 34. Musika Abesbatza Asteari. Gaur iluntzean emango diote amaiera San Pedroko 34. Musika Abesbatza Asteari. Gerardo Rifon organo joleak eta Ane Artetxe arpa joleak kontzertua emango dute gaur San Pedroko elizan 20:00etan.
Eskarmentu zein arrakasta handiko musikariak dira Gerardo Rifon eta Ane Artetxe. Donostiako kontserbatorioan musika hezkuntza hasi zuenetik, ibilbide oparoa izan du Rifonek. Bakarkako lana guztiz utzi ez badu ere, abeslariekin jotzeagatik nabarmendu du bere burua. Luzaz aritu da Donostiako Orfeoiarekin elkarlanean, eta besteak beste, haiekin batera Wiesbaden (Hesse, Alemania) hiriko katedralean jotakoa da.
Haurra zela hasi zen Ane Artetxe arpa jotzen ikasten. Hainbat tokitako musika eskoletan hezia, goi mailako musikaria da Artetxe. Orkestra ugarirekin jo du eta Jazzaldian ere aritutako da. Gaur egun Bilboko Juan Crisostomo Arriaga Musika Eskolan irakaslea da.
Aurtengo protagonistetako bat, musikaria ez, musika tresna bat da, izan ere, San Pedro parrokian dagoen organoak 150 bete ditu aurten. Cavaille-Coll frantziar etxeak egina, 1869an iritsi zen San Pedrora 6.000 pezetaren —XIX. mendean dirutza zen— truk. Goi mailako organoa da, 54 notako klabierra eta 18ko pedalierra du, eta eskuz erabiltzekoa da. 1925etik 1936ra Tomas Garbizu Salaberria lezoarra musikaria arduratu zen organoaz. Rosario Vergara Urrestarazu sanpedrotarrak ordezkatu zuen.
