Hasi dira Esnabide kaleko eta Euskadi etorbidearen arteko asfaltatze lanak
San Pedroko Esnabide kaletik Trintxerpeko Euskadi etorbideko 25. zenbakira arte egingo dira obrak. Guztira 115.559 euroko kostua izango dute.
San Pedro eta Trintxerpe lotzen dituen bidean egingo dira lanak. Pasaiako zenbait bide eta errepide egoera kaskarrean daude eta materiala galtzen dute, hau da, zuloak eta bestelako kaltean sortzen ari dira. Pasaiako udal gobernuak, hainbat tokitan konponketa horiei ekin diotela jakinarazi du, hori baitzen haien konpromisoetako bat.
Azken hiruhilekoan Probisa enpresak —udalak hala eskatuta— Pasaiako hainbat lekutan egin ditu asfaltatze lanak, eta enpresa berak egingo ditu San Pedro eta Trintxerpe arteko errepidearen konponketak. Lanek ez dute berebiziko eragina izango trafikoan, lanak bi errailetan egin arren, ez baita inoiz trafikoa moztuko bi noranzkoetan. Obrek irauten duten bitartean trafikoa kontrolatua izango da eta gidariek adierazitako errailetik joan beharko dute.
