'Käffka' antzezlana Juanba Berasategi Auditorioan ikusgai hilaren 15ean
Pasaiako Udaleko Haur Gazte eta Nerabeen Sustapen Sailak antolatu du gazteei zuzendutako emanaldia. Sarrerak 10 euroan salduko dira.
Hilaren 15ean Käffka antzezlana ikusgai izango da Juanba Berasategi Auditorioan 19:00etan.
Hilaren 15ean Käffka antzezlana ikusgai izango da Juanba Berasategi Auditorioan 19:00etan. Pasaiako Udalak herriko beste hainbat eragilerekin batera bultzatutako Eskubidean proiektuaren barruan, gazteei zuzendutako obra da Käffka.
Etorkizun ilun batean du testuingurua Käffkak, ez da ordea distopia batean, eskuartean duten gaia guztiz errealista baita. 2049. urtean garatuko da antzezlana, lehengai naturalak agortu dituen gizarte batean. Kapitalismoa eta kontsumo eredu basatienak gailendu diren sisteman, nerabeak kontrolpean izatea eta manipulatzea ezinbesteko dute eliteek. Helburu horrekin, nerabeek pasio eta sentimendurik ez izateko hezkuntza berezia jasotzen dute.
Sarrerak 10 euroan salduko dira webgune honetan, edota Juanba Berasategi Auditorioan bertan, antzerkia hasi baino lehen. Pasaiako Udalak gainera, 12 eta 17 urte bitarteko gazteentzako gonbidapena eskatu ditu. Nahi dituenak helbide elektronikoz eskatu beharko ditu, honako helbidean, gaian ‘Käffka’ idatzita, eta izen-abizenak, adina eta ikastetxea edo zerbitzua —gaztelekua, kuadrillategi etab.— adieraziz.
