Larunbatean, Iparragirre ingurua garbitzeko Etxetxo taldearen beste auzolan bat
Larunbatean, abenduak 7, Iparragirre baserriaren inguruan frankismoaren esklaboak jaso zituzten barrakoiak garbitzeko saio berria egingo dute. Etxetxo Lezoko Memoria Historikoaren Taldeak antolatu du auzolana: 09:30ean gelditu dira Tiñelun, Iparragirre aldera joateko.
Edonor joan daiteke herriko memoria historikoa berreskuratzeko ahaleginari bultzada ematera. Etxetxok partaideei aholkatu die lanerako arropa egokia eraman dezatela, eskularruak tartean.
1939tik 1946ra izan ziren barrakoi horiek erabiltzen frankismoak lanera behartu zituen pertsonak, trabajadoriak bezala ere ezagunak. Esklabotza egoeran, herri lanak egin zituzten 1936ko Gerran preso hartutakoek, edo era batera edo bestera Francoren erregimenaren kontra egiteagatik atxilotu zituztenek. Lezon, adibidez, egun GI-3440 izenaz ezagutzen den errepidea egin zuten frankismoaren esklabo horiek, hau da, Jaizkibelgo errepidea haiek egin zuten, bizi baldintza oso gogorretan.
Trabajadoreek jasandakoa eta oro har Lezoko memoria historikoa berreskuratzeko eta gizarteratzeko sortu zen Etxetxo taldeak 2016tik gaiaren gaineko lanketa egin du, eta taldeari esker ezagutu ahal izango da Francoren erregimenak utzitako arrasto ilun hori.
