Lezoko Gobernu Taldeak bere aurrekontua onartu du
8.840.000 euroko aurrekontua izango du 2020an herriak, iazkoa baino 123.000 euro gehiagokoa. EH Bildu, kontra.
Lezoren irudi orokorra. 2020an Lezoko Udalak 8.840.000 euroko aurrekontua izango du, 2019koa baino 123.000 euro handiagoa. Ostegunean egin zen udal kontuak eztabaidatzeko udalbatzarra: udal gobernu taldeak hasiera batean hark proposatutako kontuak izan ziren onartu zirenak. Izan ere, udal gobernuak asmoa azaldu zuen EH Bilduren hainbat ekarpen gehitzeko bere proposamenari —hainbat gaietan, eta ez proposatutako diru kopuru aldaketa osoarekin—, baina azkenean, ekarpen partzial horiek zituen zirriborroa osteguneko plenoak eta ustekabean alkateak albo batera utzi, eta lehen unean gobernu taldeak idatzia zuen aurrekontua izan zen bozkatu, eta onartu zena. Hau da: udal gobernuko bi taldeen zinegotziek (EAJko seiek, PSE-EEko bakarrak) euren proposamenaren alde egin zuten, eta EH Bilduko seiek kontra.
EH Bilduren asmoa izan zen udalbatzarrean haiek aurkeztutako emendakinak bozkatzea. Ez zen egin, alkateak erabaki zuelako bozketa ez egitea, udal idazkariaren aholkuen kontra.
Jarraian, udal gobernuaren aurrekontuaren berri HITZAk egindako albistea, eta EH Bilduren emendakinen berri ematen duena:
