Arditurri Europako Industria Ondarearen Ibilbidean sartu da
EAEn ibilbide horretako 32. tokia da Arditurrikoa. Araban jaso dute ziurtagiria. Meategiak bere bidea jarraituko du, eta ostiralean bisitak eskainiko ditu.
Arditurriko meategi eremua Europako Industria Ondarearen Ibilbideko parte da. European Route of Industrial Heritage (ERIH) erakundeak emandako ziurtagiria jaso zuen Kristina Brit OTASAko idazkariak. Gesaltzan (Araba) egin zuten ekitaldia.
Araba, Bizkai eta Gipuzkoak osatzen duten erkidegoko 32. tokia da ERIHren ibilbidean. Europa guztian 1.850 puntu daude zerrenda horren barruan sailkatuta. Industria ondarea babesten duten tokiak aintzatestea da erakunde horrek banatutako ziurtagiriaren helburua.
Ostiralean, Tren Berdea
Ziurtagiri horrek jasotzeak, baina, ez du Arditurri bisitatzea eliteko bilakatuko. Datorren ostiralean prezio murriztuan eskainiko dute Tren Berdeko bidaia eta meategia ezagutzeko bisitaren konbinazioa. Sakoneko bisita eta trenaren konbinazioa 7 euroan izango da (12 urtez behera dutenek, 5 euro) eta oinarrizko bisita, 5 euroan (12 urtez beheitikoak, 3 euro).
Tren Berdea hiru aldiz aterako da Pagoaldea industrialdetik: 10:00etan, 11:00etan eta 12:00etan. Ohi bezala, alde aurretik erreserba egitea aholkatu dute. Telefono bidez egin daiteke (943 49 50 69 edo 688 895 068), e-posta bidez idatzita.
