Elikagai xahuketari ezetz esan diote
Uda eta udazkenean zehar kanpaina berezia egin dute Errenteriako jatetxeetan eta fruta dendetan. Zehazki, zortzi jatetxek eta zazpi fruta dendek hartu dute parte kanpaina horretan.
Janaria xahutzea ekiditea da helburua. Klima krisian eragin handia dute hondakinek. Horren adibide da, gizakiok isurtzen ditugun negutegi efektuko gasen %8-10 artean elikadura xahuketaren ondorio direla da. Elikagaiak alferrik galtzea saihesteko, uda eta udazkenean zehar kanpaina berezia egin dute Errenteriako jatetxeetan eta fruta dendetan. Zehazki, zortzi jatetxek eta zazpi fruta dendek hartu dute parte kanpaina horretan.
Lehenik, oinarrizko diagnostikoa egin dute abiapuntua zein zen ezagutzeko, eta ondoren ekintza plan pertsonalizatua prestatu zaie hondakin gutxiago sortzeko, berrerabiltzeko eta gaika modu egokian biltzeko hobekuntzarako ekimen zehatzak jasoz. Gutxieneko konpromisoak ere hartu dituzte establezimenduetako arduradunek.
Hartu dituzten neurrien artean, jatetxeetan, haien bezeroei menu eta kartetan janari soberakinak etxera eramateko ontzi berrerabilgarri konpostagarriak eta ur pitxerrak banatu ditu udalak bezeroei eskaintzeko. Eta gainera, haien ingurumen konpromisoa goraipatzen duen bereizgarria ematea ere aurreikusi da. Harrera ezin hobea izan dela zehaztu dute udaletik, eta hondakinen kudeaketa egokia egiten dutela baieztatu da “hondakinen murrizketaren aldeko ahalegin berezia eginaz”.
Hauek dira parte hartu duten saltokiak. Arkaitza, Beraungo Auzolagun Elkartea, Frantsesillaga, Irrintzi, Istillak igerilekuak, Kerala, Las Cazuelas eta Lekuzarra jatetxeak, eta Mari Asun, aita Donostia, Rosarito, Hermanos Jurado, Gerezi, Shainy eta Txolarre fruta eta barazki dendak.
Udalak eskertu egin die jatetxe eta fruta denda horiei ingurumena eta klimaren babesaren alde egindako urratsak.
