Lartaun abesbatzak gabon kanta emanaldi irekia egingo du hilaren 22an
Oiartzuarrak gonbidatu dituzte, eurekin batera kalez kalez kantuan atera daitezen. Eguna prestatzeko, baina, entsegu pare bat egingo dituzte.
Gabonak gainean dira, eta horrekin batera, ekitaldi sorta ederra dago ate joka. Horietako bat izango da Lartaun abesbatzak antolatutako gabon kanten emanaldia izango da. Hilaren 22an izango da, 12:30ean.
Oiartzuar guztiak gonbidatu dituzte Lartaun abesbatzakoekin batera kalez kale abestera, izan zahar, haur edo gazte. Lehenago, baina, bi entsegu egingo dituzte. Hilaren 17an eta 19an elkartuko dira, udaletxeko pleno aretoan. Bi entseguak 20:00etan hasiko dira. Abesbatzak ziurtatu duenez, abestiak mundu guztiak ezagutzen dituenak dira.