Haurrek ederki pasatu dute Maritxipiri buruzko ipuinak entzuten
Oiartzungo Sarek gonbidatuta, Joxe Mari Carrerek Maritxipiren ipuinak kontatu dizkie haurrei. Espetxea eta sorkuntza binomioa lotzen dituen zikloaren barruan egin dute.
Carrerek pleno aretoan kontatu du ipuina.
Sarek antolatuta, Joxe Mari Carrere ipuin kontalariak Maritxipi pertsonaiaren nondik norakoak kontatu dizkie udaletxeko pleno aretoan bildutako haurrei.
Espetxea eta sorkuntza aztertzen dituen zikloaren barruan egin dute ipuin kontaketa. Aitzol Iriondo eta Itziar Moreno presoek egindako erakusketak ikus daitezke hilaren 19ra arte, pleno aretoan. Ordutegiari dagokionez, 17:00etatik 20:00etara egongo da irekita.
Hilaren 18an (asteazkenean) haurrentzako sormen tailerra egingo dute, Ane Narbarterekin. Udaletxeko pleno aretoan izango da, 18:00etan hasita.
