200 haurrek 40 helduk egin dute kenpo kai gerrikoz aldatzeko azterketa
Euskal Herri osoko kirolariak hurbildu dira Elorsoro kiroldegira, azterketa egitera. Honbu elkarteak modu bikainean bukatu du urtea.
Mailaz igotzea lortu zuten aurkeztu zirenek.
Honbu Kenpo Kai elkarteak nabarmendu duenez, Euskal Herri osoko 200 haur eta eta 40 heldu hurbildu ziren pasa den abenduaren 6an Elorsoro kiroldegira. Helburua gerrikoa aldatzeko azterketa egitea zen. Honako herrietatik etorri ziren beren maila neurtzera: Errenteria-Orereta, Irun, Andoain, Pasaia, Lezo, Donostia, Legazpi, Bera, Etxalar…
Helduen artean, hamar kirolarik gerriko beltza lortzeko azterketa egin zuten. Honbuk ziurtatu duenez, denek bikain egin zuten bere lana, eta mailaz igotzea lortu zuten. Aipamen berezi moduan, Mikel Osa —Gorka Osa elkarteko maisuaren semea— zoriondu dute, gerriko beltza lortzeko egindako hamar urteko lana txalotuz.
Bestalde, Oiartzungo Udala eta Elorsoro kiroldegia eskertu dituzte, Honbukoei eman dizkieten erraztasun guztiengatik.
