'Eyes Wide Shut' gaur, OzZinemaren eskutik
OzZinema zineklubak bere laugarren ekinaldia itxiko du, gaur, OzZinemaAnniversary marka berriaren barruan.
Gaur emango dute filma. OzZinema zineklubak bere laugarren ekinaldia itxiko du, OzZinemaAnniversary marka berriaren barruan. 1999. urtea film handien estreinaldia markatu zutela azaldu du Ozzinemak, “hogei urte geroago Zinemaren Historiaren parte diren obra handi bilakatu dira, eta horietako bat aukeratu dugu zazpigarren artearen jeinu handi bati omenaldia egiteko”. Stanley Kubricken Eyes Wide Shut filma da aukeratu dutena eta gaur ikusiko da Niessengo pantaila erraldoian. Bere azken proiektu handia estreinatu baino egun batzuk lehenago hil zen Kubrick.
New Yorkeko mediku errespetagarria da William, Hardford eta bizitza oso ona duela dirudi: emakume eder batekin ezkondua, alaba bat du eta gustuko lan bat. Baina festa batera joan eta biharamunean, Alice, bere ematzeak, fantasia erotiko batzuei buruz hitz egiten dio eta nola beraien arteko harremana hausteko zorian izan den ezezagun batengatik. Konfesioak txundituta, lokal batera sartu eta aspaldiko lagun batek hedonismoari eta mugarik gabeko plazerari buruzko kongregazio batez hitz egiten dio. Hortik aurrera, sexua eta erotismoa nagusi dituen mundu bat zabalduko zaio eta bertan murgilduko da.
Hogei urte geroago, Veneziako Zinemaldiak filmaren birmasterizazio bat estreinatu du, eta aurretik film labur bat egin zuen. Ozzinemak kopia hori bera estreinatuko du gaur. El Contraplanoko kideek egingo dute aurkezpena eta ondorengo solasaldia. Hitzordua gaur, 19:30ean, Niessen zinemetan. Sarrerak 4 euroan daude salgai Niessen kulturgunean.
