Led argiteria jartzeko diru laguntza jaso du udalak
Lan hori egiteko, 154.145,80 euroko diru laguntza jaso du IDAE-FEDER funtsetatik, inbertsio osoaren %50 hain zuzen.
LED argi berriak jartzen hasiko dira. Errenteriako Udalak argiteria publikoa hobetzeko eta energia kontsumoa murrizteko LED argiak jarri ditu. Lan hori egiteko, 154.145,80 euroko diru laguntza jaso du IDAE-FEDER funtsetatik, inbertsio osoaren %50 hain zuzen.
Zehazki, 607 luminaria ordezkatuko ditu LED argiak jarriz. Dauden 69 koadroetatik hirutan jardungo dute, Beraun auzoan, Kaputxinoetako behe aldean eta Gaztelutxo inguruan. Jarduketa horrekin 98,93 kwtik 30.35 kwra murriztuko da potentzia; lanak amaituta, %69 aurreztea aurreikusi du udalak energia kontsumoan (185.2744 kwh/urtero), eta ondorioz, 24.085 euro aurreztuko dituela urtero fakturan aurreikusi du.
Neurriarekin gainera, urtero atmosferara 95,5 tona CO2 isurtzea saihestuko da. Egun Errenteriako argiteriaren %60 baino gehiago LED teknologikoa da eta aurrera pausu handia eman da Errenteriako Energia Iraunkorreko Ekintza Plana gauzatzeko
