Udaltzaingoaren bulego mugikorra Iztietan izaten da astearte eta ostiraletan
Pasa den hilabetetik Iztieta auzora bertaratzen ari da Udaltzaingoaren bulego mugikorra astearte goizetan, 10:00etatik 12:00etara, eta ostiral arratsaldetan 18:00etatik 20:00etara.
Udaltzaingoaren bulego mugikorra iztietan Pasa den hilabetetik Iztieta auzora bertaratzen ari da Udaltzaingoaren bulego mugikorra astearte goizetan, 10:00etatik 12:00etara, eta ostiral arratsaldetan 18:00etatik 20:00etara, zerbitzua deszentralizatzen eta prebentzio jarduerak sustatzen jarraitzeko.
2014 urtean jarri zuten martxan bulego mugikorra, eta Iztietaz gain, Agustinak, Alaberga, Galtzaraborda, Beraun, Zamalbide eta Kaputxinoak auzoetan ematen du zerbitzua. Helburua, proposamenak, eskaerak eta salaketak egiteko garaian bizilagunei erraztasunak ematea da. Lan egiteko modu hori, herri segurtasunaren eta hurbileko udaltzaingoaren alde duen ikuspegiarekin lotu du udalak, “azken horrek, prebentzioan eta kohesionatutako komunitatean du oinarria”.
