Mende laurden laburretik sortzen
Aurtengoa, azaroaren 26tik 29ra egingo dute, ostegunetik larunbatera bitartean izango dira proiekzioak, eta igandean, berriz, sari banaketa ekitaldia.
Urriaren 7raarte aurkeztu daitezke lanak Film Laburren Jaildirako. Motzetik zinemarako grina pizteko sortu zuten jaialdia orain 25 urte, eta mende laurden horretan hamaika lan labur jaso ditu. Motxila bete kalitate du jaialdiak soinean. Urteurren borobila du aurten Errenteria Film Laburren Jaialdiak, eta berari ere eragingo dio ziurrenik koronabirusaren aroak. Azken hori, agian, jaialdira aurkeztuko diren film labur bat baino gehiagoren protagonista izango da, auskalo, beldurrezko eta zientzia fikzio generoak errealismo bihurtu diren garaian.
Aurtengoa, azaroaren 26tik 29ra egingo dute, ostegunetik larunbatera bitartean izango dira proiekzioak, eta igandean, berriz, sari banaketa ekitaldia.
Urteurren biribila, hausnarketarako urtea ere izan dela zehaztu dute antolatzaileek, eta zenbait aldaketekin dator. Hasteko, lanak aurkezteko epea aurreratu egin dute antolatzaileek, lehiaketara aurkeztutako lanek eskatzen duten kudeaketa denboraz egin ahal izateko. Gaurtik abuztuaren 2ra arte aurkeztu ahalko dira.
Aurkezteko, plataforma bakarra erabiliko dute antolatzaileek, festhome.
Sarietan ere egin dituzte antolatzaileek aldaketak, ohartuta, aurkezten diren film laburrak ez direla genero bakar batekoak izaten, “lan bera izan daiteke dokumentala, euskaraz eta animazioan oinarrituta”. Horrenbestez, sarien irizpideak zabaldu eta ez dituzte generoaren aranera emango.
Lana aurkezteko 16 urtetik gorakoak izan behar dute egileek, eta lanak 2019ko urtarrilaren 1etik aurrera egina behar du, eta originala. Gaia, bestalde, librea da, eta 15 minututik beherako iraupena izango du.
Oinarriak, osorik, hemen kontsulta daitezke.
