Patxi Ruiz eta gainontzeko euskal presoen aldeko aldarria, kalean
Hogeita bost egun beteko ditu gaur gose greban Patxi Ruiz Txantreako euskal presoak Murtzia II espetxean. Sustengua erakutsi diote beste behin ere, bizi duen egoera salatu, baita gainontzeko euskal presoei elkartasuna erakutsi ere Errenteria-Oreretan hamarnaka lagunek.
Patxi Ruiz euskal presoaren aldeko miobilizazioa atzo. Argazkia: Herri Erantzuna Hogeita bost egun beteko ditu gaur gose greban Patxi Ruiz Txantreako euskal presoak Murtzia II espetxean. Sustengua erakutsi diote beste behin ere, bizi duen egoera salatu, baita gainontzeko euskal presoei elkartasuna erakutsi ere Errenteria-Oreretan hamarnaka lagunek.
Astelehenetik ostegunera 20:00etan egiten dute mobilizazioa, eta ostiraletan, 20:3oean. Mobilizazioak egiten jarraituko dute, gainera, euskal presoak borrokan jarraitzen duen bitartean Herri Erantzunak jakinarazi duenez.
25 egun bete ditu gaur Ruizek gose greban eta horietatik, lehenengo hamabiak gose eta egarri greban eman zituen Txantreakoak. Erizaindegi moduluan dago eta herenegun egin zioten mediku azterketaren arabera egonkor ditu parametro guztiak. Hala ere, 59,6 kilo pisatzen ditu une honetan Ruizek 1,80ko altuerarekin.
Pasa den hilabete hasieran gose eta egarri grebari ekin zion Ruizek. Murtzia II espetxean kartelada egiten ari ziren espetxeari COVID-19aren hedapena ekiditeko neurriak har zitzan eskatzeko. Presoek ezer gutxi egin dezakete babesteko pandemiaren aurrean, beren ziegetan itxita gelditzea erabaki dute euskal preso askok, preso gehien pilatzen diren espazioak ekiditeko. Bisita, aurrez aurreko eta prentsarik jaso gabeko agertokian, horrek beren isolamendua areagotzea suposatu du.
Ruizek eskaera zerrenda aurkeztu zuen maiatzaren 19an. Lau eskaera bildu ditu bertan euskal presoak: Urte hauetan zehar pairatu duen tratua eta, bereziki, Murtzia II-ko kartzelan jaso duena kontuan izanda, kartzelak egoera honetan duen ardura asumitzea eta bere integritate fisikoaren segurtasuna bermatzea exijitu du; Zuzendariak, medikuak eta hainbat kartzelariek presoekiko duten jarrera salatzea eta bertan behera uztea, hau da, mehatxu, jipoien eta irainen bukaera; bere borroka politikoa dela argi utzita, bera bizirik ateratzeko baldintza gisa, Euskal Herrira lekualda dezaten exijitu du, eta berarekin batera gainontzeko euskal preso politiko guztiak ere; azkenik, beste antolakunde batzuetako preso politikoak, Euskal Herrikoak ez direnak, euren bizitokietara eramatea ere eskatu du.
