Eraikinen Ikuskapen Teknikorako diru laguntzak eska daitezke
100.000 euroko diru zatia bideratu du udalak horretara eta eskaerak, gaurtik azaroaren 30era arte egin daitezke, aurrekontua ez bada aurretik agortzen. Informazio guztia udalaren web orrian dago eskuragarri.
Hirigune Historikoko eraikinei begirakoa da laguntza. Hirigune Historikoko Eraikinen Ikuskapen Teknikoa EIT egiteko diru laguntzak eskatzeko epea zabaldu du gaur udalak. COVID-19ak tokiko ekosistema ekonomikoan duen eragina arintzeko talka planaren barruan udalak onartu duen neurrietako bat da diru laguntza hori. Talka eta Suspertze Planaren barruan 16 neurri onartu ditu udalak, etxeko sisteman eta tokiko sare ekonomikoa osatzen duten sektore ekonomikoetan eragiteko.
Horietako bat da etxeko gastuak eta gremioak mobilizatzeko laguntzak jasotzen dituena, eta horien barruan daude EITak eta horren ondoriozko obrak egiteko diru laguntzak. Hirigune Historikoan jarduera horiek egiteko diru laguntzek eremua biziberritzen lagunduko duela dio udalak, eremu horren birgaitze sozioekonomikoaren ikuspegitik.
Diru laguntza jaso ahal izateko, komunitatearen jabetzakoa den eraikinaren ikuskapen teknikoaren txostena edo ikusketa diktamenean zehaztutako eta eraikinaren osagai komunei eragiten dieten obrak egitea. Ikuskapen txostenaren eta obren diru laguntzak bakoitza bere aldetik eska daitezke.
Diruz laguntzeko, gainera, 2020an egindakoa behar du ikuskapenak, eta obrak ere, 2020an amaitutakoak; 2019an edo aurretik egindako EIT txostenek ez dute laguntzarik jasoko.
100.000 euroko diru zatia bideratu du udalak horretara eta eskaerak, gaurtik azaroaren 30era arte egin daitezke, aurrekontua ez bada aurretik agortzen. Informazio guztia udalaren web orrian dago eskuragarri.
