Mater Museoak itsasora irteera eta Alabortzako garbiketa antolatu ditu astebururako
Larunbatean Jaizkibelgo itsaslabarretara irteera eta igandean Alabortzako senadiaren garbiketa egingo dira Museoaren eskutik.
Mater Museoa ontziaren ohiko irteeretako batean 
Asteburu honetarako bi egitasmo antolatu ditu Mater Museoak, Jaizkibelgo itsaslabarretara irteera larunbatean eta Alabortzako senadiaren garbiketa igandean. Larunbateko bisitak ordu eta erdiko iraupena izango du, eguerdiko 12:00etan hasi eta 13:30ak arte gutxi gorabehera. Senadiaren garbikuntza lanei dagokienez, igande goizean egingo dira, 11:00etatik 13:00era.
Nahi duen orok izango du bi ekimenetan parte hartzeko aukera, betiere aurretik erreserba egin baldin badu. Horretarako, Mater Museoak telefonoz 619 81 42 25 zenbakira deituz edo e-mail bidez hartuko ditu izen emateak.
