Oier Guillanek 'VHS', bere azken lana aurkeztuko du astelehenean
Bere azken lana sailkatzen zaila da, antzerkitik, saiakeratik eta nobelatik du. Artista baten formazio urteak bildu ditu Guillanek bere azken lan horretan, ikerketa emozional baten bidez.
Oier Guillan. Proposamen berriarekin heldu da Oier Guillan euskal idazle, kazetari eta antzerkigilea VHS eleberria. Azala, Idoia Beratarbide Arrietarena da. Susa argitaletxearekin ikusiko du argia liburuak eta hilaren 29an, astelehenarekin, aurkeztuko du oreretarrak Donostiako Udal Liburutegiko sotoan. Hitzordua, 11:00etan da.
Ibilbide luzea du Guillanek, hemezortzi liburu argitaratu ditu aurretik. Gehienak, hamabi zehazki, poesia liburuak dira; Begi bien jauzia izan zen argitara atera zuen lehena Mikelazulorekin, 1998an. Ondoren ailegatu ziren Erloju lehorrak (2005, Bermingham), Eskuen sustraiak (2009, Susa), Elkartasun basatia (2013, Susa), edota Hura ez da lekua (Txalaparta, 2016), batzuk aipatzearren.
Bost antzezlan ere idatzi ditu Guillanek: Herio heroi (2010, Artezblai), eta Mr. Señora (2016, Txalaparta), tartean. 2018an berriz, Zauri Bolodia eleberria argitaratu zuen Txalapartarekin.
Horretaz gain, 2008az geroztik Metrokoadroka kolektiboko kidea da Guillan eta Dejabu, Anakrusa eta Rouge Elea taldeen kolaboratzaile ere izan da.
Bere azken lana sailkatzen zaila da, antzerkitik, saiakeratik eta nobelatik du. Artista baten formazio urteak bildu ditu Guillanek bere azken lan horretan, ikerketa emozional baten bidez. Honakoa ere, euskaraz idatzi du oreretarrak.
