20 urte egin dituzte ostikoka; beste 20 bete nahi dituzte
COVID-19aren osasun larrialdiak ez die utziko nahi bezala ospatzen urteurren hori, baina ospatu-ospatuko dute eta horretarako egitarau zabala prestatu dut
XVIII. urteurreneko argazkia. Urteurren biribila beteko du hilabete honetan Oreretako Zabala-Enea II gaztetxeak: hogei urte. Gaztetasuna soinean, indarra, gogoa, konpromisoa, baina baita ibilbide horretako eskarmentu osoa ere. COVID-19aren osasun larrialdiak ez die utziko nahi bezala ospatzen urteurren hori, baina ospatu-ospatuko dute eta horretarako egitarau zabala prestatu dute bertso bazkari elegantearekin, erakusketarekin, kartelada bereziarekin, eta hilaren 31 egun handia izango denarekin. Sorta horretan ezin du falta egitarauaren barruan kuttunena duten hitzordua: Urdaburu mendian Ibon Zabalari egiten dioten omenaldi sentitua. Aurten gainera, 25 urte bete dira Oreretako gaztea, lehen gazte egunean hil zela.
Zaabala-Enea II gaztetxeak badu beraz zer ospatu, eta lehenik, bide horretan gaztetxeak bizirik irautea posible egin duten gazte guztiei, horretarako lanean aritu den bakoitzari eskerrak eman dizkio gazte asnabladak eta zoriondu. Aurtengo urteurrena berzia izango dela esan dute, inoizko bereziena, “gogo biziz gaudela 20 urte horiek ospatzeko”. Egitarauaren atzean urte osoko lana dago, gogotsu eta mimoz egindakoa: Marrazki lehiaketa, Izorrai, erakusketa, Escape rooma… konfinamenduan ere lanean aritu dira gazteei begira bereziki, baina baita herritar guztiei eskainita martxan jarri dituzten dinamika ezberdinak, online izan bada ere.
Urte hasieran pentsatutako plangintza ezingo dute bere horretan bete, “ditxosozko birusa dugulako. Horrek esku artean genuen ospakizuna berrantolatzera eta eraldatzera derrigortu digu. Ez da benetan nahiko genukeen ospakizuna izango inondik inora ere, baina horrek ez du esan nahi ez dela ospakizunik izango”. Ekintzak desio ez zuten modu batean antolatzera eraman dituela egungo egoerak aitortu dute, “besteak beste aforoak mugatu behar izan ditugu”. Hala ere, ospatuko dute, “ditugun indar guztiak batuta”.
Egitaraua
- Hilak 17: Bertso bazkari elegantea.
- Hilaren 19tik 30era: erakusketa Xenpelar Etxean.
- Hilaren 25ean: Urdaburura mendi martxa eta Ibon Zabalari omenaldia.
- Hilaren 30a: Kartelada berezia.
- Hilaren 31: Mural margotzea, bazkaria eta sorpresa.
