Bueltan dira asteazken eta ostiraletako ipuin kontaketa saioak
Ipuin Kapsula iniziatibaren barne astean bitan ipuin kontaketa saio bat igoko da liburutegiko YouTube kanalera zein udal webgunera, 18:00etatik aurrera. Lehena hilaren 7an izango da.
Bueltan da Lezoko Ipuin Kapsula proiektua, herriko haurrentzat. 
Bueltan da Lezoko Ipuin Kapsula proiektua, eta horren barne, astean bitan (asteazken eta ostiraletan) ipuin kontaketa saio bat igoko da liburutegiko YouTube kanalera zein udal webgunera, 18:00etatik aurrera beti. Iniziatibari hilaren 7an emango zaio hasiera. Era berean, udal liburutegiak ohiko zerbitzu guztiak eskaintzen dituela jakinarazi du udalak, beharrezko osasun eta segurtasun neurriak bermatuz betiere.
Udal liburutegiak ekainaren 1ean zabaldu zituen ateak, ia hiru hilabetez mailegu zerbitzua soilik eskainiz. Hilaren 7an (asteazkena) ohiko zerbitzuak martxan jarriko dira, protokolo berriari jarraiki. Dena den, badira oraindik aurrez aurre egin ezin diren jarduerak, haien artean literatur solasaldiak eta ipuin kontaketak; lehenak online egingo dira eta horien inguruko informazio guztia liburutegian eta webgunean jaso ahal izango da, baita liburuak jaso eta izena eman ere. Ipuin kontaketei dagokienez, Ipuin Kapsula proiektua martxan izango da udazken osoan zehar (zortzi kontalari eta hamasei ipuinekin), honakoa da urriko egitaraua:
- Urriak 7, asteazkena
Lamiak
Kontalaria: Ixabel Agirresarobe - Urriak 9, ostirala
Ilargia
Kontalaria: Ixabel Agirresarobe - Urriak 14, asteazkena
Trigo eta Lopez marinelen abentura
Kontalaria: Mikel Susperregi - Urriak 16, ostirala
Lorito lotsagabea
Kontalaria: Mikel Susperregi - Urriak 21, asteazkena
Lehoi argal marroxka-gorrixka
Kontalaria: Amaia Puin - Urriak 23, ostirala
Sagu anderea
Kontalaria: Amaia Puin - Urriak 28, asteazkena
Ikusi-makusi
Kontalaria: Ana Apika - Urriak 30, ostirala
Ilargia dir-dir
Kontalaria: Ana Apika
Egitarau osoa kontsulta dezakezu udal webgunean.
