39 urte beteko ditu aurten Pasaiako Umorezko Antzerkiak
Jardunaldiak hilaren 16tik 25era izango dira (ostiraletik igandera denak). Pasaiako barruti guztietan eta ordutegi ezberdinetan eskainiko dituzte emanaldiak.
'Tomaxen Abenturak. Adi, grabatzen, ekin!' antzezlana. 
Ia lau hamarkada igaro dira lehen aldiz herrian umorea eta antzerkia uztartu zirenetik, aurten 39 urte beteko baitituzte Pasaiako Umorezko Antzerki Jardunaldiek. Emanaldiak bi asteburutan izango dira: hilaren 16tik 18ra arte (Kaleluia jardunaldien barruan formakuntza bat eta bi kale-ikuskizun, Artekalek antolatuta) eta 23tik 25era arte bigarren txanda. Aurtengoan, nahiz eta bermatu beharreko osasun neurriek plangintza mugatzeko beharra sortu dioten Pasaiako Udalari, eskaintza orotarikoa izango da (barruti guztietan, ordutegi ezberdinetan eta publiko guztientzat bereziki sortutakoak). Honakoak dira aurtengo jarduerak:
- Kaleluia arte eszenikoen profesionalentzat formakuntza jardunaldia. Hilaren 16ean Juanba Berasategin (Donibane), 10:00etatik 14:00etara, eta 16:00etatik 20:00etara.
- ‘Banaketarakok tresnak. Nola prestatu feria baterako?’ eta ‘Arriskuan prebenitzeko glosategia. Zein protokolo ezarri behar ditugu?’
- Inskripzioa egiteko helbide elektronikora mezu bat bidali beharko da.
- Tomaxen abenturak. Adi, grabatzen, ekin! Hilaren 17an Euskadi etorbidean (Trintxerpe), 13:00ean.
- Muxiri zinema asko gustatzen zaio. Oso aktore ona dela pentsatzen du, eta Tomax filma bat egiteko konbentzituko du. Hasteko, Erdi Aroko eszena bat, gero abentura bat mendian eta, bukatzeko, Piraten istorioa. Hau dena, umore, kantu, joko eta ikuslegoaren parte hartzearekin.
- Sarrerak eskuratzeko egin klik esteka honetan.
- Prezioa: Dohainik.
- Zanguango. Al otro lado. Hilaren 17an Gure Zumardian (Antxo), 19:00etan.
- MAX sarietan Kaleko Ikuskizun Onenaren Saria jaso duen antzezlana da. Kale erdian ezarritako oihal erraldoi baten bidez, egunerokotasuneko eszenak, magiaz gainezka daudenak, uztartuko dituzte, ikuslea ere antzezlanaren parte bilakatuz.
- Honako bideo honetan lanaren laburpen bat dago ikusgai. Informazio gehiago ere irakur daiteke, hemen.
- Sarrerak eskura daitezke esteka honetan klik eginez.
- Prezioa: Dohainik.
- Guillem Alba. Kalma. Hilaren 18an Juanba Berasategin (Donibane), 19:00etan.
- Publiko guztientzako emanaldia. Ikuskizun hau Fira Tarregan aurkeztu zen (Europako aste eszenikoen nazioarteko azoka garrantzitsuena), eta arrakasta itzela izan zuen. Sinopsiak gogoetarako hainbat galdera egiten dizkio ikusleari: Zure ingurura begiratu eta denak korrika ari direla ikusten duzu; zuk gauza bera egiten duzu eta ez dakizu zergatik. Benetan desio dugun bezala bizi gara? Benetan egiten al dugu egin nahi duguna? Horrela jarraitu nahi dugu ala zerbait aldatzeko asmoa dugu? Kalma hitzik gabeko antzezlana da, clown-a bandera duena.
- Interesdunek sarrerak hemen eskura ditzakete eta baita ikuskizunari buruzko informazio gehiago ere.
- Prezioa: 3,22 euro.
- ATX teatroa. Zazpiak bat. Hilaren 23an Udal aretoan (San Pedro), 19:00etan.
- Aurtengo Donostiako Antzerki Saria eskuratu du piezak, epaimahaiak nabarmenduz “antzerki lengoaia bikaina” duela. Komeria, satira eta sarkasmoa konbinatuz, guztiok alfonbra azpian ezkutatu ohi duguna agerian geratuko da obra honekin. Nondik dator gizakiaren gaiztakeria? Berezkoa da? Bekatuen ideiarekin gizaki berri bati bizia emango zaio.
- Sarrerak hemen klik eginez eros daitezke.
- Prezioa: 10,73 euro.
- Markeliñe. Kartoibiraka. Hilaren 24ean Juanba Berasategin (Donibane), 19:00etan.
- Ikuskizun Hoberena, FETEN; eta Haurrentzako Ikuskizun Hoberenaren MAX saria. Biltegitik irten gabe, globoz, itsasontziz edo gameluz, istorio honetako protagonistek munduari bira emango diote 80 kaxatan. Julio Verneren ‘Munduari bira 80 egunetan’ eleberrian oinarrituta, jolasari esker irudimenezko bidaia zoragarri bat hasteko prest daude protagonistak.
- Antzezlanaren bideoa esteka honetan ikus daiteke.
- Sarrerak eskuratzeko, egin klik hemen.
- Prezioa: 3,22 euro.
- Mila Espiga eta Belen Cruz. Anarkia Relacional. Hilaren 25ean Kultur Etxean (Antxo), 18:30ean.
- 2020ko Donostiako Poltsiko Antzerki saria jaso duen ikuskizuna. Polbo eta hautsa ez da gauza bera, armairuak, bolloak, larrua jo edo txortan egin, eta sexua… edo sexu-eza. Izan ere, orain hitz egiterik badagoela… hitz egin dezagun. Beste garai bateko bi emakume, opilgintza tradizionalean jantziak, ‘Puro bollo’ festibalera doaz…
- Sinopsi osoa irakurri eta sarrerak eskura daitezke, hemen.
- Laburpen bideo bat ere dago ikusgai.
- Prezioa: 8,58 euro.
