Beethovenen doinuetatik, Aita Donostiren konposizioetara Sugaar Ensembleren eskutik
Emanaldiak ez duela ikuslea epel utziko esan dute antolatzaileek. Bertaratu nahi dutenek gonbidapena jaso behar dute aldez aurretik, kontzertua doakoa bada ere. Horiek banatzen bihar hasiko dira Niessengo leihatilan.
Igandean 19:00etan izango da emanaldia kulturgunean. Argazkia: Sugaar Ensemble Gure Bakarariak zikloari helduko dio EMKE Musika Bandak berriro, eta horren barruan emanaldia antolatu du igandean Niessen auditorioan19:00etan. Sugaar ensanble ganbera taldeak egingo du emanaldia, Alain Aierdik zuzenduta, eta Ludwig Van Beethovenen jaiotzaren 250 urteurrenaren harira haren doinuekin eta Aita Donostiren konposizioekin osatuko dute emanaldia. Kontzertu egitarauak Sugaar Ensembleko kideek musika egiteko duten ilusioa islatzen duela nabarmendu du EMKEk, “dedikazio eta energiaz beteriko lan batean”.
Gure Bakarlariak zikloarekin bertako konpositore eta interprete gazteen lanaren sustapena eta zabalpena bilatzen du, eta proposamen musiko kultural guztian edota proposamen eszenikoetan bertan du eragina, “zikloak ez dio egitura zehatz bati erantzuten, baina bai Musika Kultur Elkartea sorrarazi zuten oinarriei, musika kultura bere esparru guztietan zabaltzea”.
Emanaldiak ez duela ikuslea epel utziko esan dute antolatzaileek. Bertaratu nahi dutenek gonbidapena jaso behar dute aldez aurretik, kontzertua doakoa bada ere. Horiek banatzen bihar hasiko dira Niessengo leihatilan.
