Helduentzako doako kirol ikastaroak eskainiko dituzte
6-7 saio egingo dira barruti bakoitzean, astean zehar eta ordubeteko iraupenarekin. 'HelduFit' programaren helburua erabiltzaileek ariketak ikasi eta praktikatu ez ezik, horiek modu autonomo batean burutu ahal izatea da.
6-7 saio egingo dira barruti bakoitzean, astean zehar eta ordubeteko iraupenarekin. 
‘HelduFit’ programa Pasaiako Udaleko Jarduera Fisikorako eta Kirolerako Orientazio Zerbitzuaren (JFKOZ) helduentzako doako ikastaro osagarria da. 6-7 saio egingo dira barruti bakoitzean, astean zehar eta ordubeteko iraupenarekin; jarduerak erabiltzaileen artean sumatutako patologia nagusiak kontuan hartuta diseinatuko dira baina, bereziki, lan aerobikoari, indarrari, malgutasunari eta orekari lotutako ariketak praktikan jarriko dira.
Programak bi helburu nagusi ditu: Batetik, JFKOZren erabiltzaileek orientatzaileak bidalitako ariketak modu egokian burutzea, eta, bestetik, horiek egiteko tresneria eta materiala ondo menperatzea. Horretarako, ikastaro hauek talde gidatuetan landuko dira eta laguntza profesional zuzen baten bidez ariketak modu autonomoan, egokian eta seguruan bakoitzak bere kabuz egin ahal izatea da helburua. Dagoeneko JFKOZeko erabiltzaile diren helduek ohiko zerbitzuak edukitzeaz gain, programa honen barruan dauden ikastaroetan parte hartzeko aukera librea izango dute.
Egutegia eta informazio gehiago ikusgai dago honako esteka honetan.
