Astebetean 106 COVID-19agatik infektatu gehiago Oarsoaldean
Atzoko datuen arabera, Errenteria-Oreretan zazpi pertsona gehiagok dute koronabirusa, seik Pasaian, eta Lezo nahiz Oiartzunen ez da positiborik izan.
Hilaren 2tik 8ra (atzo) COVID-19agatik kutsatu direnen kopurua 106 pertsonatan hazi da Oarsoaldean: 65etan Errenteria-Oreretan, 29tan Pasaian, eta seina kasu atzeman dituzte azken zazpi egunetan Lezon eta Oiartzunen. Atzoko datuak: Errenteria-Oreretan zazpi infektatu. sei Pasaian, eta Lezon nahiz Oiartzunen kutsaturik ez.
Errenteria-Oreretan egun latzena asteartekoa izan zen, 17 kasu gehiagorekin. Pasaian, berriz, asteazkenean zenbatu ziren kasu gehien, hamar. Lezon eta Oiartzunen kasuen kopurua ez da bitik igo egun guztietan. Lezon, adibidez, joan den igandean eta astelehenean ez zen kutsaturik izan, Oiartzunen larunbatean eta atzo bezala.
Jarraian, Oarsoaldeko herrien kutsatze maila, kontuan hartuta azken 14 egunetako kutsatuak 100.000 biztanleko erratioarekin.
- Errenteria-Orereta: 311,4.
- Pasaia: 305,19.
- Lezo: 213,04.
- Oiartzun: 173,9.
- Gipuzkoako batez bestekoa: 266,59.
Osasun Sailak datu horiek eta beste asko txosten bidez zabaldu ditu gaur. Horren berri izateko klik egin beheko estekan.
