Lezoko Tomas Garbizu Musika Eskolako ikastaroak, martxan
Eskaintza hau ikasle helduei dago zuzenduta, nagusiki. Interesdunek hilaren 23a aurretik eman beharko dute izena ikastaroetan.
Epea zabalik izango da hilaren 23ra arte. Izen ematea eskolan bertan egin beharko dute interesdunek, 16:30etik 20:00etara.. 
Tomas Garbizu Lezoko Udalaren Musika Eskolak eskaintzen dituen ikastaroetan izena emateko epea zabalik da, hilaren 23ra arte. Izen ematea eskolan bertan egin beharko dute interesdunek, 16:30etik 20:00etara. Eskaintza hau nagusiki ikasle helduei dago zuzenduta (13 urtetik gorakoak); dena den, salbuespenak egon daitezkeela nabarmendu dute arduradunek.
Horrez gain, bestelako ikastaroak ere antolatu dira aurten, haien artean Musika Hezkuntza Helduentzat (75 urtetik gorakoentzat), Musikoterapia (behar bereziak dituzten haurrentzat), eta Musika Hezkuntza Goiztiarra (2-3 urte bitartekoentzat), besteak beste.
Informazio guztia eskura daiteke 943 52 99 99 telefonora deituz edo helbide elektronikora mezu bat bidaliz.
