Zabalik dira Pasaiako hiru Udal Gaztelekuak
Duela egun batzuk ireki dituzte Trintxerpe-San Pedro, Donibane eta Antxoko gaztelekuen ateak. Denboraldiak uztailaren erdialdera arte iraungo du.
Denboraldia uztailaren erdialdera arte luzatuko da. 
Pasaiako Udalaren Haur, Nerabe eta Gazteen Sustapen Sailak jakinarazi du duela egun batzuk ireki dituztela Trintxerpe-San Pedro, Donibane eta Antxoko Udal Gaztelekuetako ateak, uztailaren erdialdera arteko iraupena izango duen denboraldiari hasiera emateko. Ostiral eta larunbatean 17:ooetatik 21:00etara irekitzeaz gain, ikasturte honetan ostegunetan arratsaldeko 18:00etatik 20:00etara ere egongo dira zabalik.
Irekitzeko egunak aldian-aldian gehitzen joateko asmoa dute arduradunek, baina aurten ezin izan da, aurrekontu murrizketengatik. Nerabeak aspaldi egiten ari diren eskaera da, eta aurten zati batean erantzuna eman ahal izango zaie, egun batean gehiagotan irekiz. Ildo beretik, datorren ikasturterako helburua aurtengo honetan baino egun bat gehiago zabaldu ahal izatea litzateke.
Antxoko Gaztelekua Axular plazan, dago 7. zenbakian. Trintxerpe-San Pedroko gaztelekua Gran Sol 11 behean, eta telefonoa honako hau da: 943 24 81 98; Donibanekoa, azkenik, J.J. Otaegi eraikineko hirugarren solairuan dago, eta telefono zenbakia hau da: 943 51 72 90.
