Allerruko talde nagusiek asteburuan hasiko dituzte ligak
Gizonen talde nagusiak Plazetan hasiko du Ohorezko Mailako liga (ateak itxita). Emakumeen taldeak Donostian jokatuko du etzi.
Plazetako partidak ateak itxita jokatuko dira. Asteburu honetan hasiko dira Gipuzkoako futbol liga nagusiak. Horietan Allerruk hainbat talde ditu. Eskubaloiko Munttarperen taldeek hurrengo asteburuan ekingo diete ligei, eta areto futboleko taldeek gehiago itxaron beharko dute. Kurkubiko nesken talde seniorrak ere asteburuan du liga.
Honakoak dira asteburu honetako, eta datozenetako kirol deialdiak.
FUTBOLA
Gizonen Ohorezko Maila
- Allerru-Ordizia, bihar (larunbata) 16:00etan Plazetan. Ezin da ikuslerik joan COVID-19aren osasun neurriengatik.
Emakumeen Gorengo Maila
- Santo Tomas Lizeoa-Allerru, etzi (igandea) 12:00etan Donostiako Berioko zelaian.
Gizonen Lehen Erregionala
- Allerru-Villabona, bihar (larunbata) 11:30ean Plazetan. Ez da ligako partida, prestaketa partida da. Taldeak urriaren 24ko asteburuan hasiko du liga. Ezin da ikuslerik joan COVID-19aren osasun neurriengatik.
Gizonen Gazteen Lehen Maila
- Allerru-Orereta Kafea, urriaren 24ko asteburuan jokatuko da.
ARETO FUTBOLA
Gizonen Euskal Liga
- Uxoa-Jaixki AFT, urriaren 31ko asteburuan jokatuko da.
Gizonen Gipuzkoako Lehen Maila
- Lauburu-Gaintxu AFT, urriaren 31ko asteburuan jokatuko da.
Gizonen Gipuzkoako Hirugarren Maila
- Laskorain-Jaixki AFT B, urriaren 31ko asteburuan jokatuko da.
ESKUBALOIA
Emakumeen Gipuzkoako Lehen Maila
- Munttarpe-Txingudi Egaindar, urriaren 24ko asteburuan jokatuko da.
Gizonen Gipuzkoako Bigarren Maila
- Txingudi Egaindar-Munttarpe, urriaren 24ko asteburuan jokatuko da.
Emakumeen Junior Mailako Gipuzkoako Liga
- Munttarpe-Sagarmiña, azaroaren 7ko asteburuan hasiko dute liga.
SASKIBALOIA
Emakumeen Gipuzkoako Bigarren Maila
- Internacional-Kurkubi SBK, bihar (larunbata) 18:00etan Donostiako Monseko kiroldegian.
