Enpresa eredu berriei buruzko bi jardunaldi antolatu ditu Oarsoaldeak
'Ekonomia berria' iniziatibaren barne, bi bideokonferentzia eskainiko dituzte, hilaren 22an eta 29an, Koronabirusak eragindako krisi egoerari aurre egiteko.
‘Ekonomia berria’ izeneko egitasmoaren barruan, enpresa eredu berriei buruzko bi jardunaldi antolatu ditu Oarsoaldea Garapen Agentziak. COVID-19ak eragindako krisiaren testuinguruan, pertsonak enpresaren eta ekonomiaren erdigunean jartzea inoiz baino garrantzitsuagoa dela uste dute antolatzaileek: “Epe laburrean pertsonak nahiz enpresak erreskatatzeko laguntzetatik kanpo, ekonomia eraldatzaile berria eraikitzea ezinbestekoa da, klimaren arazoak areagotu gabe eta kontsumo nahiz hazkuntza iraunkorrak sustatuz”.
Ildo horretan, Oarsoaldea Garapen Agentziak, Mondragón Unibertsitatearekin eta MIKrekin elkarlanean, eta Gipuzkoako Foru Aldundiaren laguntzaz, bi webinar antolatu ditu:
- Ekonomia Berriak eta Garapen Iraunkorrerako Helburuak. Hilaren 22an, 11:00etatik 12:00etara. Eman izena, hemen.
- Ekonomia Zirkularra eta Ekonomia Urdina. Hilaren 29an, 11:00etatik 12:00etara. Eman izena, hemen.
Jardunaldiak zoom plataformaren bidezko bideokonferentziak izango dira. Argibide gehiago nahi izanez gero, Oarsoaldearekin harremanetan jar zaitezke honako telefono-zenbakian: 943 49 41 29 edota posta elektroniko bitartez.
