Lau Haizetararen Egunen Behin taldea bueltan da
Isa Diaz Lopez, bere liburua eskutan duela. Jakitunak eta azkarrak. Halakoak dira Lau Haizetararen Egunen Behin taldean parte hartzen duten errenteriarrak. Atsedenaldi baten ostean, bueltan da lehiaketa herriko euskara elkartearen eskutik. Honakoa hirugarren denboraldia izango du, eta astelehenean abiatuko dute. Aurreko denboraldian, 700dik gora lagunek hartu zuten parte talde horretan, jakituria erakusteaz gain, sari bikainetako bat eskuratu asmoz, eta nola ez, euskarari merezitako ekarpena egiteko. 700+ Euskaraz izena du taldeak, Errenteria hiribilduaren sorreraren 700. urteurrena eta euskara lotu nahi zan dituzte-eta antolatzaileek.
Orain arteko dinamikari jarraituta, astero bi sari banatuko dituzte: astelehenetik igandera puntuazio onena lortzen duenarentzat, eta aste horretako partaideen arteko zozketan aukeratuta ateratzen denarentzat.
Oraindik taldekide ez direnentzat, baina parte hartu nahi dutenentzat argibideak: Egunean Behin aplikazioa jaitsi behar dute Google playtik edo App Storetik, eta gero C3737B talde kodea sartu. Hortik aurrera taldean jokatzeko prest izango dira.
Lehen asteko saria ere jakinarazi dute antolatzaileek: Isa Diaz idazle eta irakaslearen Sano Erradikal olerki liburu ale bana eramango dute irabazleek.
