Aizpea Otaegi: "Txerto soziala beharrezkoa da, komunitate bakar gisa erantzutea"
Errenteria-Oreretak 500eko langa gainditu du, eta gorriz markatutako udalerrien zerrendara batu da.
Udaletxe parean bilduko dira. Errenteria-Oreretak 500eko langa gainditu du, eta gorriz markatutako udalerrien zerrendara batu da. Azken hiru egunetan, 58 COVID-19 kasu zenbatu dituzte udalerrian. Horren aurrean mezua zabaldu du Aizpea Otaegi alkateak sare sozialen bidez. Transmisio oso altukoa izatera pasa dela Errenteria-Orereta esan du, eta horrek neurri gogorragoak ekarriko dizkiola udalerriari datozen asteetan: “Udal zerbitzu eta jarduerak berrantolatzen ari da udala dekretu berrietara egokitzeko. Eskumenak eta baliabideak mugatuak diren arren, orain arte bezala, zaurgarrienen ondoan egongo gara”.
Udal baliabideak ongi antolatu eta erabiltzea garrantzitsua bada, hori bezain garrantzitsua den beste faktorea aipatu du alkateak, “txerto soziala. Norberaren zaintzarekin eta elkarrekiko elkartasunez komunitate bakar gisa erantzutea; zaindu eta elkar zaindu”.
Egoera epidemiologiko larria duten udalerrien artean sartu da Errenteria-Orereta eta horrenbestez, Araba, Bizkai eta Gipuzkoan aplikatzekoak diren izaera orokorreko neurriez gain, Eusko Jaurlaritzaren aginduek ondoko neurriak zehazten dituela egoera epidemiologiko larrian dauden udalerrientzat gogorarazi du udalak. Gomendioa da herrietatikez irten eta sartzea, osasun zentro, zerbitzu eta establezimenduetara egindako joan etorrietan salbu; halaber, sartu eta irten ahalko da, lan arrazoiengatik, ikasketengatik, ohiko bizilekura itzultzeko, menpekotasuna duten pertsonei laguntzeko edo ezinbesteko arrazoiengatik egiten diren joan etorriak egiteko.
Topaketa sozialak mugatzea gomendatu dute ere neurri horien artean, elkarbizitza talde egonkorrera, eta halaber, bertan behera utzi beharko dira familia edo gizarte jarduerak ezinbestekoak ez direnean. Espazio itxietan egindako topaketak ere, elkarbizitza talde egonkorrera mugatzea eskatu dute, gainera.
Aurrekoak gomendioak badira COVID-19a zabaltzea saihesteko, ondokoak berriz, bete beharrekoa neurriak dira. Horien artean, taldeko kirol jarduera oro bertan behera gelditu da, instalazio itxi zein irekietan; kirola bakarka baino ezingo da egin; haur parkeen, parke publikoen eta terrazen erabilera debekatu dute 21:00etatik 08:00etara, pertsonak igarotzeko izan ezik; debekatuta dago alkohola saltzea merkataritza establezimenduetan 21:00ak eta 08:00ak artean; Establezimenduak 21:00rta itxi beharko dituzte, elikagai saltokiak, farmaziak eta erregaien zerbitzuguneak izan ezik.
Aparteko aipamena egin die udalak ostalaritza eta jatetxe establezimendu eta zerbitzuei. Horietan debekatuta egongo da barran kontsumitzea, mahaian eta eserita kontsumitu behar da; 21:00etan itxi beharko dute eta ezingo da berriz ireki 06:00ak baino lehen; debekatuta dago, halaber, zutik egin behar den edozein jatetxe jarduera
Pasa gara eskualdeko gainerako herriak bezala, eremu gorri izatera, trasmisio oso altuko izatera, 100.000 biztanleko 555 kutsatuko datu metatuarekin. Alarma-egoerari dagozkionak baino neurri gogorragoak datozkigu datozen asteetarako. Aste gogorrak datoz @HerriBizia pic.twitter.com/mUt7QLHKw1
— Aizpea Otaegi (@AizpeaOM) October 26, 2020
