"Ikusgarri egiteak askatasuna dakar"
Errenteriaren 700 urteurrenaren harira, Errenteriako Udalarekin elkarlanean elkarrizketa sorta egiten ari da HITZA. Honakoa, LGTBI+ Mahaiko Andoni Etxeberria, Naroa Zabala eta Mikel Martini egindako elkarrizketa da, galderaz galdera hamar egunez HITZA-k zabalduko duena, osorik. LGTBI+ kolektiboaren errealitateaz, LGTBIfobiaz, sustatu beharreko politikez, eta parekidetasunaz mintzo dira, besteak beste.
Naroa Zabala, Mikel Martin eta Andoni Etxeberria, LGTBI+ Mahaiko kideak Errenteriaren 700 urteurrenaren harira, Errenteriako Udalarekin elkarlanean elkarrizketa sorta egiten ari da HITZA. Honakoa, LGTBI+ Mahaiko Andoni Etxeberria, Naroa Zabala eta Mikel Martini egindako elkarrizketa da, galderaz galdera hamar egunez HITZA-k zabalduko duena, osorik. LGTBI+ kolektiboaren errealitateaz, LGTBIfobiaz, sustatu beharreko politikez, eta parekidetasunaz mintzo dira, besteak beste.
Zein ekarpen egin dio LGTBIQ+ kolektiboak Errenteriari?
Andoni Etxeberria: Hemen gaudela zabaltzea, errealitate hau mahai gainean dagoela, eta honengatik lanerako prest gaudela.
Naroa Zabala: Aniztasunari bere garrantzia ematea, gure errealitatearen argazki bat egitea. Kontzientzia indibidual eta kolektibo bat ahalbidetu du, kontzientzia piztea.
Mikel Martin: Ikusgarri egiteak askatasuna dakar, ahalduntzen gaitu, hobe sentiarazten gaitu; baita gero eta jende gehiagok babesten zaituela ohartzeak ere. Zuri ongi iruditzen bazaizu aniztasun honen ondoan bizitzeak, niretzako ezinbestekoa da zuk ez debekatzea, ez oztopatzea aniztasun honetan bizitzea. Hori zabaltzen ari da eta hori da gure ekarpena. Manifestatzeko eta aldarrikatzeko garaian ere ekarpena egin du LGTBI+ kolektiboak: musika jarri zien bere aldarrikapenei, kolorea, adierazteko moduak jarri genituen klasikoetatik harago. Aldarrikapena poztasunetik egin daitekeela transmititu dugu, luma, kolore, purpurina, ezpainetako arkatza, takoi, soinekoekin… Bizitza da, ez gurea, bizitza.
