Oarsoaldea osoa eremu gorrian
Pasaia eta Lezo gorriz markatu zituzten pasa den astean, eta orain, Errenteria-Orereta eta Oiartzun dira eremu horretan, asteburuko kutsatu kopuruagatik.
Aurreikusi zitekeen, eta tamalez bete da, Oarsoaldeko lau udalerriak eremu gorrian dira gaur gaurkoz, 100.000 biztanleko 500 kutsatuen muga gainditu dutelako azken hamalau egunetan. Pasaia eta Lezo gorriz markatu zituzten pasa den astean, eta orain, Errenteria-Orereta eta Oiartzun dira eremu horretan, asteburuko kutsatu kopuruagatik.
Orotara, ostiraletik igande gauerdira COVID-19agatik kutsatutako 125 pertsona zenbatu dituzte. Horietatik kopururik altuena, logikoa biztanleri aldea aintzat hartzen bada, Errenteria-Oreretan hauteman dute, 58 (27 ostiralean, hamalau larunbatean, eta hamazazpi igandean). Hogei kasutik gora izan dituzte azken hiru egunetako datuak batuta gainontzeko hiru herrietan, Pasaian 24 (hamar ostiralean, lau larunbatean eta hamar atzo); 23 Oiartzunen (bederatzi ostiralean, zortzi larunbatean, eta sei atzo); eta hogei Lezon (hamabi ostiralean, hiru larunbatean, eta bost atzo).
Tasari dagokionean 500eko langa bikoiztu du Lezok azken datuen arabera, 1.048,84koa da une honetan.
- Lezo: 1.048,84 (ostegunean, 819,40).
- Pasaia: 646,28 (ostegunean, 622,34 ).
- Errenteria-Orereta: 555,54 (ostegunean, 478,31).
- Oiartzun: 598,98 (ostegunean, 425,08 ).
- Gipuzkoako batez bestekoa: 739,41 (ostegunean, 626,33). Gipuzkoan 30 udalerri daude eremu gorrian.
Osasun Sailaren gaurko txostena osorik, hemen kontsulta daiteke.
