Ijito herriaren historia ezagutzeko hitzaldia
Daniela Radu hizkuntza aditua izango da hizlaria, eta ijitoen historian zehar bidaia egiteko aukera eskainiko die bertaratzen direnei.
Ijito herriaren historiaren eta kulturaren gaineko jardunaldiak antolatu dituzte Errenteria-Oreretan udaleko Kultur Aniztasun Saila eta Ijito Institutuaren laguntzarekin. Jardunaldi horietako lehena, irailaren 17an egin zuten, eta ostegun honetan egingo dute bigarrena. Daniela Radu hizkuntza aditua izango da hizlaria, eta ijitoen historian zehar bidaia egiteko aukera eskainiko die bertaratzen direnei.
Erromaniarren eskubideak, Europan: Ijitoen kontrako jarrerari aurre egitea eta hizkuntza eskubideak goiburuarekin emango du Raduk hitzaldia, Merkatuzarren, 17:00etan. Herri ijitoaren nortasunaz arituko dira. Europan 10-12 milioi ijito bizi dira, Errumanian bi milioi, eta Espainian 750.000.
Europako parlamentuak Europako Batasunari ijitoen gaineko estrategia egiteko deia egin du berriki, gorrotoaren diskurtso ofizialaren gorakadari, eta estatu kideengan dituen ondorioei aurre egiteko. Ijito herriaren aurkako diskriminazio publikoari eta gorroto diskurtsoari buruz Europako Batasunak emandako ebazpenak, berriz ere jarri du mahai gainean eztabaida hori.