Sahararen alde kalera aterako dira
Saharako errepublikari elkartasun eta babesa adierazi nahi diote, eta aurreko asteburuan egin bezala, honetan ere kalera aterako dira.
Saharako errepublikari elkartasun eta babesa adierazi nahi diote, eta aurreko asteburuan egin bezala, honetan ere kalera aterako dira. Larunbatean deitu dute elkarretaratzera Zumardian, 13:00etan, eta herritar guztiak deitu dituzte parte hartzera. Sahara libre. Erreferenduma orain lelopean egingo dute elkarretaratzea.
Mendebaldeko Sahararen eta Marokoren arteko tentsio militarrak gora egin du azken egunetan. Autodeterminazio Erreferenduma egiteko promesa betetzeko eskatzen ari ziren Nazio Batuen Erakundeari, eta horretarako, urriaren 21z geroztik, protestan ziren Guergeraten, bertan den errepide bakarra mozten. Eremu desmilitarizatua da azken hori, Rabat herri okupatua eta Mauritania artean kokatua, baina Marokok militarrak bidaltzea erabaki zuen sahararren protestaren kontra egiteko.
Fronte Polisarioak hautsitzat eman du Marokorekin 1991n sinatuta su etena, eta gerra egoera ezarri du.
Nazio Batuen Erakundeak 1991n eratu zuen misioa Saharan autodeterminazio erreferenduma egiteko, eta Sahara eta Maroko arteko su etena errespetatzen zela ziurtatzeko.