San Silbestre birtuala, urtea amaitzeko
Ez dute urtea ohi moduan amaituko aurten. COVID-19ak ez du horretarako aukera emango eta San Silbestre lasterketa, klasikoa, ezagutzen dugun moduan behintzat, ez da izango.
San Silbestre lasterketa aurreko ekitaldi batean. Ez dute urtea ohi moduan amaituko aurten. COVID-19ak ez du horretarako aukera emango eta San Silbestre lasterketa, klasikoa, ezagutzen dugun moduan behintzat, ez da izango. Haren ordez, lasterketa birtuala antolatu du Errenteria Atletismo Taldeak. Atletismo taldeak argi du mugitzen jarraitu behar dela, aktibo izaten jarraitu osasuntsu egoteko.
Ez gaitzala ezerk geldiarazi lelopean egingo dute lasterketa eta antolatzaileek jakinarazi dute San Silbestre txikiari ezingo diotela ohiko formatuan heldu eskatzen duen logistika kontuengatik; helduentzako proposamena zabaldu eta antolatu egingo dute. Familia batzuk ezingo direla aurten elkartu esan du EATk, eta San Silbestreak leihoa ireki nahi duela, “denak urte amaieraren bueltan, gauden lekuan gaudela, ekitaldi honetan elkarrekin parte hartzeko.
Interesdunek izena eman behar dute lehenik, eta argibideak jarraitu ondoren, deskargatu behar duten APPan; materiala jaso, prestatu eta parte hartu lasterketan, 3,5 kilometrokoa edo 7 kilometrokoan. Gainera, aurten, kamiseta edo musuko gehiago erosteko aukera eskainiko dute opari bereziren bat egin nahi dutenek aukera izan dezaten.
Jaitsi behar den APPa Rockthesport da. Izen emate erreziboan azaltzen den lokalizadorea sartu beharko dute parte hartzaileek eta entrenatzen hasi. Entrenamenduak eskuko telefonoarekin egiten badituzte, rankinak ere pilatuko dira webean.
Kamiseta, musukoa edo dortsalak abenduaren 21eko astean hasiko dira banatzen antolatzaileak EATren lokalean jakinarazten duten ordutegian. Oarsoaldetik kanpo bizi direnekin adostu egingo dute materiala postaz bidaltzeko.
Izena emateko epea, inoiz baino laburragoa izango da: abenduaren 18an amaituko da. Ohiko San Silbestreko iniziatibei eutsiko diete: bi lasterketa, ohiko sailkapena, sari banaketa, mozorrorik originalenari saria.
Juneren Hegoak elkartearekin duen konpromisoa ere mantenduko du aurten EATk, eta inskripzio bakoitzeko euro bat elkarte horri emango atletismo taldeak.
