EUROUTIL lantegiak bi langile kaleratu dituela salatu dute
Eskaera zehazta lankideek egin dutena: diskriminaziozko kaleratze politika bertan behera utz dezala enpresak, eta kaleratutako bi langileak berriz hartzea.
Eurotil enpresak bi langile kaleratu dituela salatzeko protesta egi dute lankideek. Euroutil SA enpresako langileak kalera atera ziren pasa den ostiralean. Lantegi horrek, bi langile kaleratu zituen joan den astelehenean; bien artean 40 urteko lan esperientzia batzen dute kaleratutakoek —23 urtez aritu da lanean enpresa horretan langileetako bat, eta 16 urte bestea—. Haserre daude lankideak: “Kaleratutako langileetako bat gaur egun enpresak duen kokagunea izan aurretik dagoeneko lanean ari zen bertan. Beraien esfortzuarekin altxa dute gaur egun existitzen den Euroutil”. Eskaera zehazta lankideek egin dutena: diskriminaziozko kaleratze politika bertan behera utz dezala enpresak, eta kaleratutako bi langileak berriz hartzea.
Enpresa zuzendaritzak, langile horien esfortzuari “esker ona adierazteko” kaleratze objektiborako agiriak eman dizkie biei, aurre abisurik egin gabe CCOO sindikatuak azaldu duenez, “enpresak kaleratzeko erabili dituen arrazoiak, izaera ekonomikokoak eta bere sekzioen antolaketaren ingurukoak izan dira”.
Enpresarekin eseri direla delegatu sindikalak ere azaldu dute, “egoera birbideratzeko”, sinistuta baitaude enpresak emandako arrazoiak ez direla egia, eta izatekotan ABEEE, hau da, Aldi Baterako Enplegu Erregulazioko Espedienteen bidez, edo langileak beste sekzioetan birkokatuta konpondu daitezkeela. “Enpresak erantzun zigun, irtenbide horiek ez zirela mahai gainean, eta jakinda kaleratzeak ez direla bidezkoak badakiela indemnizazioetan 120.000 eurotik gora ordaindu beharko dituela”, salatu du CCOO sindikatuak.
Horrenbestez, arazoa ez dela ekonomikoa argi du sindikatuak, “indemnizazio horiek ordaintzeko dirua soberan duelako”, eta benetako arrazoia, edozein egoeraren aurrean men ez egitea eta enpresa horretan ordezkaritza duen sindikatu bakarreko kide izatea—CCOO— dela esan du: “Ziurrenik, epea laburrean Aldi Baterako Enplegu Erregulazioko Espedientea ezarriko digute langileoi, bi kaleratzeen ondoriozko indemnizazioak ordain ditzan enpresan; egoera hori gaindituta, langile berriak kontratatuko dituzte. Hori da eskrupulorik ez duten maltzurren jokaldia”.
Euroutil SAko langileek enpresari egindako eskaerak bete arte industria gunean elkarretaratzeak egiten jarraituko dutela jakinarazi dute.
