COVID-19: datu itxaropentsuak Oarsoaldean
Lezoko tasa 500dik jaisteko zorian dago, eta Pasaian nahiz Errenteria-Oreretan dezente egin du behera intzidentziak. Oiartzunen, 400etik hurbil.
Azken egunetako joera berresten ari da Oarsoaldean: COVID-19aren intzidentzia tasa asko murrizten ari da lau herrietan, batez ere Lezon eta Oiartzunen. Lezo zonalde gorritik ateratzeko zorian dago, eta Oiartzunen tasa 400dik jaistear da. Pasaian eta Errenteria-Oreretan ere behera egin dute tasek.
Atzo, Errenteria-Oreretan koronabirusak kutsatutako hamalau herritar gehiago atzeman zituzten, sei Pasaian, hiru Lezon eta bi Oiartzunen. Tasak beherantz doaz, baina hala ere, kutsatuak oraindik ere dezente dira eskualdean.
Atzo, Gipuzkoan, Araban eta Bizkaian COVID-19 atzemateko 12.311 proba egin ziren (9.149 PCR, eta 3.162 antigenoenak). Horietatik %5,6k eman zuen positibo.
Jarraian, azken hamalau egunetako 100.000 biztanleko tasak, herriz herri, atzoko datuekin:
- Errenteria-Orereta: 675,12 (astelehenean 737,4).
- Pasaia: 622,34 (astelehenean 694,14).
- Lezo: 508 (astelehenean 589,72).
- Oiartzun: 405,76 (astelehenean 463,72).
- Gipuzkoa: 785,7 (astelehenean 826,69).
Datu horiek eta beste hainbat gaur eman ditu Osasun Sailak txosten bidez. Hemen klik eginda lor daiteke hori (PDF artxiboa da).