Euskara oparitzeko gida
Kalean da euskarazko produktuen katalogo berria. 0 eta 16 urte arteko haur eta gazteei begirako produktuekin osatutako gidara musika, informatika, filmak, liburuak, aldizkariak, jostailuak, jokoak eta web helbideak bildu dituzte.
Kalean da euskarazko produktuen katalogo berria. 0 eta 16 urte arteko haur eta gazteei begirako produktuekin osatutako gidara musika, informatika, filmak, liburuak, aldizkariak, jostailuak, jokoak eta web helbideak bildu dituzte. Gero eta gehiago dira aisialdia, ikasketak eta bizitza euskaraz egin nahi dutenak, eta euskarazko eskaintzak bilatu eta baliatzen dituztenak, Oarsoaldea Garapen Agentziako Euskara Zerbitzuak jakinarazi duenez.
Katalogoaren helburua, beraz, gurasoei haurrentzako euskarazko produktuak eta gazteei euren gustuko euskarazko produktuak aukeratzen eta bilatzen laguntzea. Euskarazko katalogo hori Euskal Herriko beste hainbat udalekin elkarlanean atera dute Oarsoaldeko lau udalek. Papereko formatuan Oiartzungo eta Pasaiako HH, LHko 1. Mailako eta DBHko 1. Mailako ikasleei banatu diete, eta Oarsoaldeko guztei, berriz, formatu digitalean bidali zaie, katalogoa online kontsultatzeko. Zein formatutan jaso udal eta ikastetxeek erabaki dute, eta horrela, COVID-19aren pandemia dela eta Errenteriako Udalak eta Lezoko ikastetxeek paperezko formaturik ez banatzea erabaki dute.