Hitzordurik gabe ere emango du arreta udalak bihartik
Kontsultak eta izapideak egiteko telefonoa zein bide telematikoa erabiltzen jarraitzea gomendatu die udalak herritarrei.
Bihartik aurrera aurretiko hitzordurik gabe ere artatuko ditu herritarrak Zu! Arreta Zerbitzuan udalak. Halere, nahiago dutenek hitzordua eskatzen jarraitu ahalko dute 010 telefono zenbakira deituta, e-postara mezua bidalita, edo udaletxean bertan, arreta zerbitzuan. Halere, arratsaldez arreta jasotzeko, beharrezkoa izango da aurretiko hitzordu hori eskatzea.
Zu!ren ordutegia mantendu egingo da, eta astelehenetan 07:30etik 14:00etara izango da zabalik; astearte eta ostegunetan, 07:30etik 19:00etara; eta asteazken eta ostiraletan, 07:30etik 15:00etara.
Telefonoa eta bide telematikoa erabiltzeko gomendioa
Kontsultak eta izapideak egiteko telefonoa zein bide telematikoa erabiltzen jarraitzea gomendatu die udalak herritarrei. Horretarako 010 edo 943 449 600 telefono zenbakira dei dezakete edo e-postara mezua bidali. Telematikoki, udalaren egoitza elektronikoan izapide guztiak egin daitezke sinadura elektronikoarekin.