Indarkeria matxistaren aurka elkartuko dira Pasaian
Indarkeria Matxistaren Kontrako Egunarekin bat eginez, hainbat jarduera prestatu dituzte Pasaiako emakumeek. 19:00etan Antxon eta Trintxerpen bilduko dira gaur.
Gaur, azaroak 25, Indarkeria Matxistaren Kontrako eguna dela eta, emakumeen aurkako erasoei aurka eginez bilduko dira Pasaiako emakumeak. Bi elkarretaratze egingo dira, Donibanen larunbat goizean egindakoari jarraipena emanez: 19:00etan Antxoko Zumardian eta Trintxerpeko Gudari plazan ordu berdinean.
Donibanen ere bat egingo dute bilkurarekin eta Bixi-Bixiren lokaletik kotxe musikatua abiatuko da 19:00etan; ordubete geroago, 20:00etan, kanpaiak joko dituzte hildako emakumeen omenez.
Horiez gain, gaurko egun guztian zehar ‘Ikastea iraultzailea da’ iniziatibaren barne, QRa ikusgai egongo da San Pedroko sarreran. Herriko emakume taldeek aurtengo ezohiko egoeran, inoiz baino gehiago, pasaitarrei deia egin diete arropa edo oihal moreak balkoietan zintzilikatzeko.
Pasaiako Udalak emakumeen aurkako erasoekiko borroka berretsi nahi izan du, barruti bakoitzean seinaleak jarriz eta herriko emakumeekin sortutako bideoa zabalduz.