Udalak eskerrak eman dizkie azaroaren 25eko ekitaldien antolatzaile, eta parte hartzaileei
Udalak bereziki nabarmendu ditu Anariren kontzertua eta Lurdes Iriondoren obraren ipuin musikatuen saioa: Gezala erabat bete zen.
'Isiltzen joan zirenak' emanaldia. Lezoko udalak eskerrak eman dizkie Indarkeria Matxistaren Kontrako Egunaren barruan antolatu diren ekitaldien antolatzaileei, nahiz horietan parte hartu duten herritarrei. Zehazki, antolatzaileen lana eta esfortzua goraipatu ditu. Indarrez ezer ere ez lemapean egin dituzte jarduerak.
Egitarauaren barruan, besteak beste Anariren kontzertua edo Ameli eta Xirrikituen Jostunen Isiltzen joan zirenak ipuin musikatua nabarmendu ditu udalak, azken horrek Lurdes Iriondoren obra oinarri zuelarik. Horiek arrakasta eta harrera ona izan dituztela aipatu du udalak, “herritarrek aktiboki parte hartu dute ekitaldietan, eta bi kasu horietan Gezalako aforoa erabat bete da”.
Ekitaldiak Kuadrillategik, Lezoko Emakumeen Taldeak, Gaxuxak, Osakidetzak, Lezo Institutuak, Lezo Herri Eskolak eta Pasaia-Lezo Lizeoak elkarlanean antolatu dituzte udalarekin batera.
Anariren kontzertuaren une bat.
