Pasaia COVID-19aren eremu gorritik atera da, eta Errenteria-Orereta ateratzear da
Asteburuan, COVID-19agatik 42 positibo gehiago atzeman dira Oarsoaldean. Duela bi asteko asteburuan 94 izan ziren infektatuak.
Beherantz jarraitzen dute koronabirusaren infekzioen kopuruek, eta tasek Oarsoaldean. Astebutuko datuak horren seinale: asteburu honetan Oarsoaldea osoan 42 positibo gehiago atzeman dituzte; hilaren 20tik 22rako asteburuan 67 izan ziren, eta hilaren 13tik 15erakoan 94. Hau da, duela bi asteko asteburuan, infektatuen zenbatekoa oraingoaren bikoitza baino gehiagokoa izan zen. Datu horiek eta beste asko gaur eman ditu Osasun Sailak, txosten bidez (hemen klik eginda deskarga daiteke, PDF artxiboa da).
Beraz, tasek ere beheranzko bidea daramate. Eta bi datu on: Pasaia COVID-19aren eremu gorritik atera da (100.000 biztanleko 500dik behera jarri da tasa), eta Errenteria-Orereta bertatik ateratzear da (atzoko datuen arabera, 508,21ekoa da tasa hori).
Behean, hiru koadro daude. Azken hiru asteburuetako datuak jasota daude horietan.
Azaroaren 13tik 15erako asteburua (tasak azaroaren 15ekoak dira):
- Errenteria-Orereta: 61 kutsatu eta 919,26ko tasa.
- Pasaia: 17 kutsatu eta 1071,15eko tasa.
- Oiartzun: 7 kutsatu eta 685,92ko tasa.
- Lezo: 6 kutsatu eta 934,12ko tasa.
Azaroaren 20tik 22rako asteburua (tasak azaroaren 22koak dira):
- Errenteria-Orereta: 33 kutsatu eta 764,8ko tasa.
- Pasaia: 7 kutsatu eta 688,3ko tasa.
- Oiartzun: 11 kutsatu eta 521,69ko tasa.
- Lezo: 7 kutsatu eta 688,3ko tasa.
Azaroaren 27tik 29rako asteburua (tasak azaroaren 29koak dira):
- Errenteria-Orereta: 27 kutsatu eta 508,21eko tasa.
- Pasaia: 11 kutsatu eta 478,73ko tasa.
- Oiartzun: kutsatu bat eta 260,84ko tasa.
- Lezo: 3 kutsatu eta344,5eko tasa.
