Itxita egongo dira astelehenean Trintxerpe eta Antxoko HAZ bulegoak
Pasaian zabalik izango den Herritarren Arreta Zerbitzuko bulego bakarra Donibanekoa izango da, 9:00etatik 14:00etara.
Pasaiako Udalak jakinarazi du datorren astelehenean (hilak 7) Antxo eta Trintxerpeko Herritarren Arreta Zerbitzuko bulegoak itxita egongo direla. Egun horretan zabalik izango den bakarra Donibanekoa izango da, (Donibane kalea 19), 9:00etatik 14:00etara.
Hitzordua eskatu beharko dute aldez aurretik bertaratzeko asmoa dutenek, 943 34 40 34 telefonora dei eginez.